Jernbaneverket har innført totalforbod mot å selje eller gje bort utrangert kreosotimpregnert trevirke. Alt slikt trevirke vert anten handtert som farleg avfall, eller ombrukt internt til jernbaneføremål.
Kreosot inneheld kreftframkallande kjemikaliar, og stoff som er sterkt irriterande for huda. Nokon av stoffa i kreosot er også sterkt feittløyselege og vanskeleg nedbrytbare. Dei kan difor hopa seg opp i næringskjeda.
Bruk av kreosotimpregnert trevirke er strengt regulert i lovverket. I praksis føreligg det eit bruksforbod for privatpersonar. For profesjonelle aktørar er bruk tillate, men avgrensa.
Jernbaneverket ynskjer ikkje å bidra til auka risiko for at kreosotimpregnert trevirke vert brukt ulovleg og at farleg avfall potensielt kjem på avvege. Som profesjonell og ansvarleg aktør innan miljøarbeid har Jernbaneverket difor per desember 2015 innført totalforbod mot å gje bort eller selje kreosotÂimpregnert trevirke.